好一般

從小瀝源走到灣仔，為的是可以有更多選擇，看看時間，無奈卻又緊迫，沒有多餘時間揀左揀右，也不能安享午餐，唯有行到邊，就求其是但走入去一間餐廳。

第一眼就見到喜喜燒臘茶餐廳，煞係卝常近個客，一於少理走入去食個飯先至講。餐廳位於街角裡，因此就成了正正方方的，與街角成了對角，而內部亦順理成章地是茶記格局，沒有甚麼特別。

 

 

全部餐牌都是底面都有，包羅萬有，小菜，湯粉麵碟硎飯樣樣齊，還有燒味可以點，亦都有常餐特餐等茶記基本東西。看到餐牌後，就覺得是大包圍的，梗有一款啱胃口。既然以燒味作為主打，就來一個雙併。

 

 

 

 

叉燒燒肉飯。是一個很普通，普通到極的燒味飯，單看叉燒與燒肉，其實都是斬得很大件，慌死怕蝕底。老實說，燒肉斬到這麼大塊，前面幾乎甩頭甩骨咁滯，而皮呢燒得又不夠脆，肥肉與瘦肉梅花間竹咁，不過又不是滑，頗靭的。至於叉燒喎，又係斬到很大嚿，大嚿得來卻又不鬆化，只有軟腍，還有一些是較靭的，蜜味又不足夠，色澤又偏淡，無言以對了。

 

 

 

凍奶茶初頭都夠茶味香醇，又夠茶香，但是喝到中間開始，茶味不繼，茶香也不足，唯一好的是有少少順滑啦。

 

還以為燒臘好，但倒頭來卻覺得很一般，麻麻地，而且價錢又不算平，感覺上有點不值。服務就ＯＫ麻麻地啦。


餐廳名稱：喜喜燒臘茶餐廳（灣仔）
用餐日期：2014-05-07
是次消費：$47（午餐）
餐廳地址：香港灣仔駱克道72-86號華大廈B座N-P舖